細細個已經鍾情聽收音機，由「三個小神仙」聽到「軟硬天師」；由「三個寂寞的心」聽到「無人駕駛」；我嘅青葱歲月都係聽電台過。小學時打電話去電台點唱，個DJ竟然話我把聲有potential好適合做DJ，就係咁，一顆想做DJ 嘅小心願就埋藏咗喺我心靈嘞。N年前喺Edmonton讀大學時，喺多元文化電台CKER 做過DJ，返到香港做咗廣告Marketing人。
近年回流多倫多參加星島A1星勢力訓練班，重操故業又入返電台。叫自己RJ 硬係怪怪地，都係叫返DJ好聽啲，哈哈哈哈。
Hello大家好，我係Patrick馮子葦。
